Ashat Daýylbaev balalar úıi men mektepterde «senim jáshigin» ornatýdy usyndy
Bul týraly ol búgin Astanada Bilim jáne ǵylym, Densaýlyq saqtaý mınıstrlikteriniń, sondaı-aq depýtattardyń qatysýymen ótken birlesken alqa májilisinde aıtty.
Onyń sózine qaraǵanda, áskerdegi álimjettikpen jáne zorlyq-zombylyq faktilerimen kúres baǵytynda áskerıler shaǵymdaryn kez kelgen ýaqytta jiberý úshin arnaıy jáshikter jabdyqtalǵan.
«Sonymen qatar biz atalǵan jáshikterdi áskerı bólimderdiń basshylary qadaǵalamaıtyndaı etip istedik. Meniń oıymsha, balalar ózderiniń ata-analarynan oqshaý júrgen jáne olar ózderiniń quqyqtaryn qorǵaı almaıtyn barlyq mekemelerde bizge osyndaı jumystardy retke keltirý kerek»,-dep atap ótti A. Daýylbeav.
Onyń paıymdaýynsha, osyndaı júıe tıimdi ári keri baılanysty ornatýǵa qaýqarly.
«Bizde búginde árbir mektepte kámeletke tolmaǵandardyń isteri boıynsha ınspektorlar bekitilgen. Olar kúndelikti júıeli negizde bul aqparatty alar edi jáne faktiler boıynsha jedel is-qımyldar jasaýǵa múmkindik týmaq»,-dedi Bas prokýror. Sóz sońynda ol prokýrorlar joq degende aıyna bir márte atalǵan mekemelerde bolýy tıis ekenin qadap aıtty.