Ashat Aımaǵambetov jerasty sýyn qazir qoldanbaı, keler urpaqqa saqtaýdy usyndy

<p>Májiliste sý resýrstarynyń basqarylý tıimdiligine júrgizilgen aýdıtorlyq is-sharalardyń qorytyndysyn talqylaý kezinde depýtat Ashat Aımaǵambetov jerasty sýyn qazir qoldanbaı, keler urpaqqa saqtaýdy usyndy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Jerasty sýyn paıdalaný boıynsha qandaı strategııalaryńyz bar? Jerasty sýyn ashýǵa bolmaıtyn qor retinde ustaýymyz kerek dep esepteımin. Ony tek keler urpaqtyń paıdalanýyna saqtaýymyz qajet», - dedi Májilis depýtat Ashat Aımaǵambetov.

Sý resýrstary jáne ırrıgatsııa mınıstri Nurjan Nurjigitovtiń aıtýynsha, atalǵan máselelerdi Ulttyq gıdrogeologııa qyzmetin qurý arqyly sheshý kózdelip otyr.

«Qazir bul qyzmet túrli memlekettik organdardyń quramynda shashyrańqy jumys istep jatyr. Biz sonyń bárin biriktirip, jumysyn júıelendiremiz. 2024 jyly osy jumysty bastaımyz dep oılaımyn», - dedi mınıstr.