Ashat Aımaǵambetov vaktsınaǵa qatysty óz kózqarasyn aıtty

NUR-SULTAN. QazAqparat - QR Bilim jáne ǵylym mınıstri Ashat Aımaǵambetov otbasy músheleri mindetti túrde koronavırýsqa qarsy vaktsına saldyratynyn aıtty, dep habarlaıdy QazAqparat tilshisi.

«Byltyr tamyz aıynyń basynda vaktsınany saldyrǵan edim. Jalpy, jeke óz basym jyl saıyn ekpe qoıdyratyn adamdardyń sanatyndamyn, ıaǵnı tumaýǵa qarsy ekpeni jasatyp júrmin. Ótken jyly úsh vaktsına aldym, sonyń biri – otandyq QazVac. Atap aıtqanda, vaktsınaǵa, ǵylymǵa senimmen qaraýǵa shaqyramyn», - dedi mınıstr Ortalyq kommýnıkatsııalar qyzmetinde.

Sonymen qatar ol óz otbasy músheleri de mindetti túrde koronavırýsqa qarsy vaktsına alatynyn aıtty.

«Qazirgi ýaqytta olar elimizdiń ózge de azamattary sııaqty óziniń kezegin kútip júr. Shaqyrtý kelgende kezekpen ekpeni saldyrady», - dedi Ashat Aımaǵambetov.

Budan buryn habarlanǵandaı, Ashat Aımaǵambetov COVID-19 indetine qarsy otandyq vaktsınany saldyrdy.