Ashat Aımaǵambetov: Táýelsizdigimizdi baıandy etý - bilimdi de bilikti urpaqtyń qolynda
«Dostar! Qazaqstan Respýblıkasynyń Táýelsizdik kúni qutty bolsyn! Táýelsizdiktiń tańy atqanyna 28 jyl tolyp otyr. Tańdap alǵan jolymyz bizge bolashaqqa senimmen qaraýǵa múmkindik beredi. Bizdiń ortaq maqsatymyz – táýelsizdik jyldary qol jetkizgen jetistikterimizdi saqtaý jáne eseleı túsý», - dep jazdy mınıstr Facebook-tegi paraqshasynda.
Mınıstrdiń jazýynsha, Táýelsizdik jyldarynda elimizdiń bilim berý salasynda da jetken jetistikteri az emes.
«Osy rette, táýelsizdigimizdi baıandy etý - bilimdi de bilikti bolashaq urpaqtyń qolynda ekendigin aıta ketken jón. Óıtkeni memlekettiń ár qadamy nátıjeli bolýy úshin tulǵanyń básekege qabilettiligi de joǵary bolýy kerek. Mereke kúni Sizderge myqty densaýlyq, otbasylaryńyzǵa bereke jáne Otanymyzdyń gúldenýin tileımin!» - dedi mınıstr.
Aıta ketsek, bıyl Qazaqstan Respýblıkasynyń táýelsiz el atanǵanyna 28 jyl tolyp otyr.