Ashat Aımaǵambetov shetel stýdentterin jıi tartatyn medıtsınalyq JOO-ny synǵa aldy

<p>ASTANA. KAZINFORM &ndash; Májilis depýtaty Ashat Aımaǵambetov sheteldik túlekterdi jıi oqýǵa tartatyn medıtsınalyq joǵary oqý oryndarynyń jumysyn synady.</p>

«Medıtsınalyq joǵary oqý oryndarynyń kommertsııaǵa asa qyzyǵýshylyǵyn kórip otyrmyn, ásirese óńirlerde. Olardyń deni Qazaqstannyń azamattary emes. Osy oraıda, medıtsınalyq joǵary oqý oryndary aqsha tabýdy emes, basty mıssııasy - elimiz úshin kadrlar daıarlaý ekenin túsinýi kerek. Bul dástúr basqa da ýnıversıtetterde baıqalady, oıǵa syımaıtyn dúnıe», - dedi Ashat Aımaǵambetov Densaýlyq saqtaý mınıstrliginiń keńeıtilgen alqa otyrysynda.

Onyń aıtýynsha, bul baǵyttaǵy jumysty ózgertip, qaıta qaraý kerek.

Odan bólek, halyq qalaýlysy MÁMS (mindetti áleýmettik medıtsınalyq saqtandyrý) júıesiniń jumysyna toqtaldy. A. Aımaǵambetov atalǵan qor jumysyn tıisti qalypqa keltirip, halyqtyń senimine kirý qajettigin aıtty.

Aıta ketsek, ótken jyldyń qorytyndysy boıynsha MÁMS júıesiniń qyzmetine shaǵymymdanýshylardyń úlesi 14%-ǵa artqan.