Ashat Aımaǵambetov Májiliske usynylǵan kandıdatýrasy týraly pikir bildirdi

ASTANA. QazAqparat – Burynǵy Oqý-aǵartý mınıstri Ashat Aımaǵambetov aldaǵy Májilis saılaýyna «Amanat» partııasynyń atynan kandıdat retinde usynylýy týraly pikir bildirdi, dep habarlaıdy QazAqparat tilshisi.

«Naqty osy partııadan usynys boldy. Basqa partııalardan usynys boldy dep aıtpaımyn. Naqty osy usynys», - dedi ol partııa sezinen keıin jýrnalısterge bergen suhbatynda.

Sondaı-aq ol partııanyń áleýetin paıdalanyp eldiń damýyna úles qosýǵa nıetti ekenin atap ótti.

«Bul partııanyń naqty áleýetin bárimiz bilemiz. Sondyqtan bul múmkindikterdi elimizdi damytý úshin paıdalanýdy men óte durys dep sanaımyn. Óıtkeni qazir úlken ózgerister bolyp jatyr. Іshinde biz ózimizdiń úlesimizdi qossaq, jaqsy nátıje beredi dep oılaımyn», - dedi Ashat Aımaǵambetov.

Eske salsaq, Ashat Aımaǵabetov Amanat partııasynyń Májilis saılaýyna úmitkerler tizimine engen bolatyn.