Ashat Aımaǵambetov qosshylyq balalarǵa «Álippe» tabystady
Bıyl mınıstrdiń qatysýymen bilim kúnimen quttyqtaý sharasy Aqmola oblysy Qosshy qalasyndaǵy №2 orta mektep oqýshylaryna buıyrdy.
Atalǵan mektepte 4886 oqýshy bar. Onyń ishinde 635 búldirshin mektep tabaldyryǵyn alǵash attap otyr.
«Qurmetti ustazdar, oqýshylar jáne ata-analar. Bilim kúnimen quttyqtaımyn. Pandemııaǵa baılanysty 1,5 jyldaı qashyqtan oqýǵa týra keldi. Bıylǵy oqý jylyn dástúrli túrde oqýdyń sáti tústi. Jalpy el boıynsha 7500 mektepte 3 mln 600 bala jańa oqý jylyn bastap otyr. 1 qyrkúıek, ásirese mektep tabyldyryǵyn alǵash attap otyrǵan búldirshinder úshin erekshe. Qashyqtan oqý bilim alý protsesiniń mańyzy men ondaǵy muǵalimniń rólin aıqyn kósetip berdi. Bizdiń ustazdar pandemııaǵa qaramastan onlaın formatqa tez beıimdelip balalarymyzǵa bilim berdi. Bıylǵy oqý jylynyń taǵy bir ereksheligi, 1 synypqa Álippeni qaıtaryp otyrmyz. Álippeniń negizi ult ustazy Ahmet Baıtursynulynyń ádistemesine saı qalanǵan. Bul burynnan bar dúnıe biz ony jańǵyrtyp otyrmyz. Osylaısha elimizdegi barlyq búldirshinder alǵash ret Álippeni qoldaryna ustap otyr. Jańa oqý jyly tabysty bolsyn«, - dedi A. Aımaǵambetov saltanatty sharada.
Sondaı-aq, elimizdiń bas ustazy 1 synyp oqýshylaryna «Álippe» oqýlyǵyn tabys etti.
Aıta ketsek, bıyl alǵashqy qońyraý sharasy el kóleminde epıdahýalǵa baılanysty tek 1 synyp oqýshylarynyń qatysýymen ótip jatyr.