Ashat Aımaǵambetov ınklıýzıvti bilim júıesin jetildirýdiń joldaryn aıtty

NUR-SULTAN. QazAqparat – Bilim jáne ǵylym mınıstri Ashat Aımaǵambetov Qazaqstanda erekshe qajettigi bar balalar úshin ınklıýzıvti bilim berý júıesi qalaı jetildiriletinin túsindirdi, dep habarlaıdy QazAqparat tilshisi.

«Erekshe qajettiligi bar balalarǵa bilim berý, ınklıýzıvti bilim berý salasynyń mańyzy óte zor. Buǵan deıin ınklıýzıv degenimiz múmkindigi shekteýli balalardy kedergisiz keleshekke jeteleý pen pandýstardy ornatýmen shektelip kelgen edi. Alaıda pandýstardyń máselesi retke keltirgen kezde eń basty másele – bilim mazmunynda ekenin túsindik. Erekshe qajettigi bar balalarǵa bilim berý ádistemesi, mundaı balalarmen jumys júrgizýdegi muǵalimderdiń daıarlyǵy, baǵalaý júıesi kerektigin túsindik. Sol sebepti biz qazir qoǵamdyq uıymdarmen birge mazmundyq jaǵynan ınklıýzıvti damytý isin talqylap, pysyqtap jatyrmyz», - dedi Ashat Aımaǵambetov Ulttyq qoǵamdyq senim keńesiniń otyrysynda.

Mınıstrdiń aıtýynsha korrektsııalyq kómek kórsetý úshin memlekettik tapsyrys bólinetinin jetkizdi.

«Zań jobasy Parlamentte qaralýda. Depýtattar oǵan qoldaý bildirer degen úmittemiz», - dedi ol.