Ashat Aımaǵambetov halyqty «shektik» shkalamen emdeýge qarsy shyqty
«Bizde adamdardy tolyǵymen emdeýge qarajat jetispeı jatyr. Soǵan baılanysty qarjy tapshylyǵyn sheshý úshin kezinde Mindetti áleýmettik medıtsınalyq saqtandyrýdy (MƏMS) engizý sheshimi jasaldy. Bul turǵyda bıýdjetten bólinetin qarajatqa qosymsha azamattar men jumys berýshilerdiń jarnasyn qosyp, osy máseleni sheshý eskerilgen. Biraq bastapqyda engizilgen qadamdar durys iske asyrylmaı qaldy. Atap aıtqanda, kem degende 2 trıllıonǵa jýyq qarajat osy qorǵa, ıaǵnı qarapaıym adamdardyń em-domyna jetken joq», – dedi A. Aımaǵambetov Kazinform tilshisiniń suraǵyna jaýap bere otyryp.
Depýtattyń aıtýynsha, osy jyldyń aqpan aıynan barlyq medıtsınalyq qyzmetterge «shektik» shkala engizildi. «Shektik» shkala degenimiz – ər medıtsınalyq qyzmet túri boıynsha, ər emhanaǵa naqty belgilengen kvota tərizdi mehanızm. Bul ədis qarajattyń jetispeýine baılanysty engizildi. Daıyndyqsyz qabyldanǵan sheshimniń kesirinen, myńdaǵan adam ýaqytyly qyzmet ala almaı qaldy. Aýrýhanaǵa kelgen naýqasqa «shektik» shkala aıasynda osy aıda aqsha taýsyldy dep, kelesi aılardy kútý kerek dep túsindirý de – nonsens.
«Qarajat jetkiliksiz bolǵasyn Densaýlyq saqtaý mınıstrligi osy shkalany engizýge májbúr boldy. Osy tapshylyq saldarynan olar bólingen bıýdjet qarajaty aıasynda qyzmet kórsetedi. Máselen, naýqastar travmatologııaǵa qaı kezde baratynyn josparlaı almaıdy ǵoı, turǵyndar kez kelgen ýaqytta qol-aıaǵyn zaqymdap alýy múmkin. Alaıda bul aýrýhanalarǵa mınıstrlik shekti shkalany berip qoıǵan. ıAǵnı osy aıda qoly synǵan 15 adamǵa qarajat bólinedi de, 16-shy adamǵa qarajat qarastyrylmaǵan. Mundaı shkala durys emes», – dedi Ashat Aımaǵambetov.
Onyń paıymynsha, «shektik» shkala azamattarymyzdyń naqty bir dárigerge kórinýine qıyndyq əkeldi.
Sondaı-aq A.Aımaǵambetov Mindetti áleýmettik medıtsınalyq saqtandyrý júıesine 1 trln teńgege jýyq qarajat túspeı qalǵanynı málim etti.