Ashat Aımaǵambetov: Ǵylym salasyn bıýrokratııadan tazartý kerek
«Ǵylym salasynda bıýrokratııalyq sıpattaǵy ártúrli protsedýrany biz retteýimiz kerek. Máselen bir jas ǵalym grant utyp alyp, bil ózekti problemany zerttegisi keldi delik. Áý basta ol máselen Pavlodar nemese Shymkent qalasyn zertteý nysany retinde tańdaýy múmkin. Alaıda ol taqyrypty ózgertpeı, halyq sany men qurylymy Pavlodar nemese Shymkentke uqsas basqa qalany tańdaý týraly qaıta ótinish joldaýy yqtımal. Alaıda ol úshin ǵalym qaıtadan kúrdeli protsedýralardan, maquldaýlardan ótýi tıis. Biz osy protsedýralarmen ártúrli ınsınýatsııalarǵa jol beremiz», - dedi Ashat Aımaǵambetov ýnıversıtet basshylarymen ótkizgen onlaın rejımdegi jıynda.
Mınıstrdiń aıtýynsha búginniń ózinde Bilim jáne ǵylym mınıstrligi kezekten tys 2 konkýrs jarııalaǵan.
«Ǵylymı granttar boıynsha jalpy somasy 20 mlrd teńgeden astam qarajat bólindi. Bul Memleket basshysynyń ǵylymdy qoldaý tapsyrmasy sheńberinde iske asyrylyp otyr. Sondyqtan bıyldyń ózinde birneshe ǵylymı konkýrs bolady. Qazir ǵylym salasyn qarjylandyrýǵa úlken kóńil bólinýde», - dedi ol.