Ashat Aımaǵambetov daryndy balalardy qoldaý qadamdary týraly aıtty
«2020 jyly elimizdiń daryndy balalary halyqaralyq olımpıadalar men ǵylymı jarystarda 437 medal jeńip aldy. Aýyldyq jerlerdegi daryndy balalardy anyqtaý jáne qoldaý jónindegi «Myń bala» jobasyn iske asyrý jalǵastyrylady. Ol óte jaqsy nátıjesin kórsetip otyr», - dedi mınıstr.
Osy oraıda ol daryndy balalardy qoldaý jumystaryn keshendi túrde jalǵastyrý kerektigin atap ótti.
«Bul turǵyda «Myń bala» jobasy, respýblıkalyq ári prezıdenttik olımpıadalardyń jańa úlgileri engiziledi. Oǵan jaqynda qabyldanǵan zańnyń aıasynda qosymsha bilim alýǵa keń múmkindik berýi úshin memlekettik tapsyrys ornalastyrylady. Munda da konkýrs negizinde ótedi jáne jekemenshik uıymdarǵa ornalastyrylǵannan keıin, qosymsha bilimmen qamtý deńgeıin áldeqaıda ulǵaıtýǵa múmkindik beretini sózsiz», - dedi A. Aımaǵambetov.
Mınıstrdiń atap ótýinshe, óńirlerde osyndaı uıymdardy damytý kerek.
Budan buryn habarlanǵandaı, vedomstvo basshysy balalardyń qaýipsizdigin qamtamasyz etý maqsatynda barlyq óńirde mektepterdi beınebaqylaý júıesimen 100 paıyz, jyly ájethanalarmen 99 paıyz qamtamasyz etilgenir aıtty.