Ashat Aımaǵambetov: Bul Joldaý tarıh betterine jazylyp, Jańa Qazaqstannyń bastaýy bolady

NUR-SULTAN. QazAqparat - Memleket basshysynyń búgingi Joldaýynyń uzaqtyǵy - 1 saǵat 18 mınýt boldy. Bul ýaqyt tarıh betterine jazylyp, el damýynyń jańa baǵytynyń - Jańa Qazaqstannyń bastaýy bolady.

Memleket basshysy Qasym-Jomart Toqaevtyń búgingi Joldaýynan soń QR Bilim jáne ǵylym mınıstri Ashat Aımaǵambetov osyndaı pikir bildirdi, dep habarlaıdy QazAqparat.

«Memleket basshysynyń jarııalaǵan sheshimderi qandaı muqııattylyqpen qabyldansa, alǵa qoıylǵan mindetterdi dál solaı júzege asyrý mańyzdy.

Búgingi Joldaý júregimizden aıryqsha oryn alǵanymen kelisesizder dep oılaımyn.

Otandastarymdy Abaı, Ulytaý jáne Jetisý oblystarynyń qurylýymen quttyqtaǵym keledi. Qutty bolsyn!»,-dep jazdy mınıstr óziniń Facebook paraqshasynda.