Ashat Aımaǵambetov: Bilim berý uıymyna basshylyq etý merzimi 7 jyldan aspaýy kerek
Jazbada vedomstvo basshysy memlekettik bilim berý uıymdarynyń birinshi basshylaryn rotatsııalaý qaǵıdalaryn QR Ádilet mınıstrligi tirkegenin aıtady. Aıtýynsha, bul qadam bilim berý uıymdaryn bir adamnyń 10-15 jekedara bılep-tósteýine jol bermeýi kerek.
«Osylaısha, bilim berý júıesinde mektep, kolledj jáne balabaqsha dırektorlaryn rotatsııalaý ınstıtýty paıda boldy. Bilim berý salasynda on myńnan astam memlekettik uıym bar. Kóptegen basshylar, merzimsiz eńbek kelisimsharttaryn jasasqan. Osyǵan baılanysty bir uıymda 10-15 jyl jáne odan da kóp jumys isteıtinder az emes. Árıne, olardyń arasynda óz jumysyn jaqsy biletin jáne mektep, kolledj, mektepke deıingi nemese qosymsha bilim berý uıymdarynyń damýyna eleýli úles qosatyn basshylar bar. Degenmen, 10-15 jyl boıy bir orynda otyryp, ózderiniń bastamashyldyǵy men damýǵa degen yntasyn joǵaltatyn mektep dırektorlary da bar», - dep jazdy mınıstr.
Ashat Aımaǵabetov bilim uıymdarynyń basshylaryn rotatsııalaý mekemniń ómirine ózgerister engizýge jáne basshynyń jumystaǵy tıimdiligin arttyrýǵa múmkindik beredi.
Atalǵan qaǵıdat boıynsha rotatsııalaýdyń mynadaı negizgi basym baǵyttary bar:
Birinshiden, bir bilim berý uıymynda 4 nemese 7 jyldan astam jumys istegen basshylar rotatsııalanady.
«Bul rette, osy bilim berý uıymynda laýazymǵa taǵaıyndalǵan kúnnen bastap 4 (tórt) jyl jumys atqarǵan birinshi basshy rotatsııadan óz ótinishi negizinde bosatylyp, qoldanystaǵy eńbek sharty sheńberinde óz jumysyn jalǵastyra alady.
Alaıda, eger basshy atalǵan uıymda 7 jyldan astam ýaqyt jumys istese, onda ol mindetti túrde rotatsııalanady. Osylaısha, bir bilim berý uıymyna jetekshilik etý merzimi 7 jyldan aspaýy tıis», - deıdi Ashat Aımaǵambetov.
Ekinshiden, rotatsııalaýdyń birneshe sharty bar:
–rotatsııalaýdy oblystardyń jáne respýblıkalyq mańyzy bar qalalardyń bilim basqarmalary júzege asyrady;
– rotatsııa bir eldi-meken aýmaǵynda júrgiziledi;
– rotatsııalaý bir deńgeıdegi uıym basshylarynyń arasynda júredi;
– rotatsııalaý kezinde birinshi basshylardyń biliktilik sanaty, ıaǵnı atalǵan sanat úshin tólenetin qosymsha aqy da merzimi aıaqtalǵanǵa deıin saqtalady.
«Ashyqtyq pen obektıvtilikti qamtamasyz etý úshin rotatsııalaý týraly máseleni qaraıtyn komıssııa jumys isteıtin bolady. Júıeniń tıimdi jumys isteýi jáne qaǵıdalardyń jergilikti oryndarda durys iske asyrylýy úshin mınıstrlik monıtorıng júrgizedi», - dep jazdy mınıstr.