Ashat Aımaǵambetov: Basshy belsendi bolsa kez kelgen ýnıversıtettegi jemqorlyqty joıýǵa bolady

NUR-SULTAN. QazAqparat – Joǵary oqý ornynda jemqorlyq faktisi qaıtalanǵan jaǵdaıda ol oqý ornynan lıtsenzııany qaıtarýǵa deıingi normany qabyldaýǵa daıynbyz. Bilim jáne ǵylym mınıstrliginiń apparat otyrysynda Bilim jáne ǵylym mınıstri Ashat Aımaǵambetov osylaı dedi, dep habarlaıdy QazAqparat tilshisi.

«Joǵary oqý oryndaryndaǵy jemqorlyq faktileriniń aldyn alý kerek. Bul máseleni túbegeıli joıýǵa bolady. Biraz ýnıversıtet ony búgin joıdy dep aıta alamyz. Bul máseleden múlde aýlaq júrgen ýnıversıtetter bar. Sondyqtan ýnıversıtettiń basshysy qalasa mundaı problemany joıýǵa bolady», - dedi Ashat Aımaǵambetov.

Mınıstrdiń aıtýynsha jemqorlyqty aýyzdyqtaý – árbir oqý ornynda qabyldanǵan saıasatqa baılanysty.

«Eger keıbir ýnıversıtet bul máseleni joısa, basqa ýnıversıtetterdiń bul is qolynan kelmese, onda basqa suraq paıda bolady. Nege bireýdiń qolynan keledi, basqasynyń qolynan kelmeıdi? Tıisti baǵyt boıynsha jańa lıtsenzııany toqtatýǵa deıingi usynys boldy. Jemqorlyq qaıtalanǵan jaǵdaıda lıtsenzııany qaıtarýǵa deıingi normany zertteý kerek. Eger zań júzinde oryndalatyn, zertteý munyń durys sheshim ekenin dáleldese, biz mundaı normany qabyldaýǵa daıynbyz. Óıtkeni qazir jemqorlyqty JOO-da joıý kerektigi qansha aıtylyp jatqanymen, problema áli de bar. Ony túbegeıli sheshýimiz kerek», - dedi mınıstr.