Ashat Aımaǵambetov: Balalar quqyǵyn qorǵaý – eń mańyzdy máseleniń biri

NUR-SULTAN. QazAqparat – QR Bilim jáne ǵylym mınıstri Ashat Aımaǵambetovtiń tóraǵalyǵymen QR Úkimeti janyndaǵy kámeletke tolmaǵandardyń isi jáne olardyń quqyqtaryn qorǵaý jónindegi vedomstvoaralyq komıssııanyń otyrysy onlan rejımde ótti, dep habarlaıdy QazAqparat tilshisi.

«Balalar quqyǵyn qorǵaý – eń mańyzdy máseleniń biri. Vıdeokamera boıynsha mektep bolsyn, balabaqsha bolsyn óte jaqsy dınamıka bar. Bul turǵyda óte belsendi jumys júrgizgen aımaqtarǵa alǵys aıtamyn. Bardy bar dep aıtýymyz kerek. Mektep syrtyndaǵy ájethanalar jaıynda da solaı deýge bolady. Biz bul máseleni jyldar boıy kóterip keldik. Osy jyldyń basynda 2352 mektepte ájethana syrtta edi. Qazirgi tańda mektepterdiń 99 paıyzynda bul másele retke keltirildi. Degenmen áli de montajdaý jumystary júrgizilip jatqan mektepter bar», - dedi Ashat Aımaǵambetov.

Mınıstr jaýapty komıtet mektepterdi aralap shyqqanyn málim etti.

«Osy máseleler komıssııanyń árbir otyrysynda jeke qaralady. Osyny áriptesterime eskertkim keledi. Bul óte mańyzdy», - dedi ol.