Ashat Aımaǵambetov aýyl mektepteriniń basty problemasyn atady
«Aýyl men qala dep kúnde aıta beremiz. Biraq, másele aýyl men qalada emes. Árıne, aýyl men qalanyń bilim sapasynda alshaqtyq bar. Ony eshkim joq demeıdi. Alaıda, biz úshin problemalyq másele osy ǵana emes. Munan da zor problemalar bolady. Ol – ártúrli óńirlerdi bir-birimen salystyrǵandaǵy biilm sapasynyń alshaqtyǵy. Máselen, Soltústik Qazaqstan oblysyndaǵy aýyl mektepteriniń ortasha baly Túrkistan oblysyndaǵy qalalyq mektepterdiń ortasha balynan joǵary, Qyzylorda oblysyndaǵy qalalyq mektepterdiń ortasha balynan artyq. Sondyqtan, bul máseleni keńinen qaraý kerek», - dedi mınıstr.
Sonymen qatar, ol aýyl mektepteri muǵalimderiniń jalaqysyna 25 paıyz ústemaqy qosylatyndyǵyn aıta kele, kemshilikterge de toqtaldy.
«Birinshi – muǵalimderdiń, naqty pán boıynsha sabaq beretin myqty muǵalimderdiń jetispeýshiligi basty problema bolyp otyr. Ekinshi – ınternettiń barlyq mektepte tolyqqandy bolmaýy. Úshinshi – materıalyq-tehnıkalyq baza. Degenmen, eń bastysy – pedagog. Muǵalim – mekteptiń júregi. Sondyqtan, muǵalim jetispeýshiligi bolsa, onda basqa máselelerdi sheshý óte qıyn», - dedi Ashat Aımaǵambetov.