Ashat Aımaǵambetov alǵashqy qońyraý saltanatty sharasyna qatysty
QR Oqý-aǵartý mınıstri elordadaǵy M. Áýezov atyndaǵy №86 mektep-gımnazııasynda jańa oqý jylyna oraı ótken saltanatty sharaǵa qatysty.
2019 jyly ashylǵan atalǵan bilim berý oshaǵynda jalpy 2080 oqýshy bar. Al 1-synypqa 362 búldirshin qabyldanyp otyr.
«Barshańyzdy jańa oqý jylynyń bastalýymen shyn júrekten quttyqtaımyn! Búgin búldirshinderimiz alǵash mektep tabaldyryǵyn attap otyr, erekshe kún. Sondaı-aq, balalarǵa bilim beretin ustazdarymyzǵa myń da bir alǵys aıtamyz. Memleket basshysy ustazdar qaýymyn qoldaý boıynsha birneshe tapsyrma berdi. Sonyń aıasynda keshendi jumys júrip jatyr. Prezıdent tapsyrmasyna sáıkes kelesi jyldyń 1 qańtarynan bastap pedagogterdiń jalaqysy taǵy 25 paıyzǵa artady. Mektep salý máselesi de Memleket basshysynyń nazarynda. Byltyr 270 mektep paıdalanýǵa berildi. Al bıyl el boıynsha 260-qa jýyq mektep iske qosylady dep oılap otyrmyz», - dedi Ashat Aımaǵambetov saltanatty sharada.
Mınıstrdiń aıtýynsha, 2025 jylǵa deıin elimizde kem degende 1 myń mektep salynady.
«Bıyl orta bilim berý salasynda birneshe jańashyldyq enip otyr. Sonyń biri orys jáne aǵylshyn tili 1 synyptan emes 2 jáne 3 synyptan bastap oqytylady. ıAǵnı bala aldymen ana tilin meńgerýden bastaıdy. Kelesi jańalyq, balany erte jastan eńbekke baýlýdyń mańyzdy ekeni barshamyzǵa aıan. Osy oraıda bıyl «Eńbekke baýlý» pánin 1 synyptan bastap engizip otyrmyz. Mektepke qatysty taǵy bir mańyzdy jaıt, 3,5 mln oqýshy 5 kúndik oqý formatymen bilim alady. Bul oqýshylar ǵana emes muǵalimderge de qatysty», - deıdi ol.