Ashat Aımaǵambetov aqyly turaq týraly: Astana ákimdigi kelisimsharttyń tutqyny bolyp otyr
Buǵan deıin depýtat elordadaǵy aqyly turaqtar máselesin kóterip, ákimdikke áleýmettik jeli arqyly saýal joldaǵan bolatyn.
«Biz keshe suraq qoıyp, jaýabyn aldyq. Bul memlekettik-jeke menshik áriptestigi aıasyndaǵy kelisimshart 5-6 jyl buryn bekitilgen eken. Ákimdik qazir sol kelisimsharttyń mindetterin oryndaýǵa májbúr. Sondyqtan tıisti túzetý ázirlep jatyrmyz. Óıtkeni ákimdik buryn bekitilip ketken kelisimsharttyń tutqyny bolyp otyr. Ol túzetý ákimdikke kelisimshartty qaıta qaraýǵa múmkindik beredi. Biz zań shyǵarýshylar retinde ondaı múmkindik berýimiz kerek. Bul tájirıbe, aqyly turaqtar ınstıtýty Astana, Almaty, Shymkentte ǵana emes, basqa óńirlerge de taratylady dep oılaımyn. Sondyqtan biz zańǵa osy quqyqtyq qatynastardyń bárin retteıtin túzetýler engizý týraly bastama kóteremiz. Ózge óńirlerde aqyly turaqtar paıda bolǵan jaǵdaıda aqysyz turaqtar qandaı orynda bolatynyn, áleýmettik mańyzdy oryndar belgilenýi kerek. Odan keıin túsken aqynyń basym bóligi bıýdjetke túsý kerek», - dedi depýtat.
Ashat Aımaǵambetov 2-3 aptanyń ishinde depýtattar naqty bastama kóteretinin aıtady.
«Bul jerde saralanǵan tásil kerek. Parıj, London sııaqty qalalardy qarasaq, saralanǵan tólem tásili qoldanylady. Suranys joǵary aýdandarda turaq aqysy aıtarlyqtaı joǵary bolady. Al basqa oryndarda arzanyraq bolady. Áleýmettik toptar tóleıtin aqy da tómen bolady. Turatyn úıińizdiń mańyndaǵy turaq siz úshin aqyly bolmaý kerek degen sııaqty normalar kerek. ıAǵnı, aqyly turaq máselesinde órkenıetti tásilder bolýy kerek», - dedi ol.