Áset Isekeshov: Astanada ónerkásiptik óndiris 7,5%-ǵa ósti

ASTANA. QazAqparat - Astanada ónerkásiptik óndiris kólemi 7,5%-ǵa artqan. Bul týraly Astana ákimi Áset Isekeshov Astana qalasynyń 2017 jyldyń 8 aıyna jasaǵan áleýmettik-ekonomıkalyq damý qorytyndysy týraly baıandamasynda málimdedi, dep habarlaıdy «QazAqparat» HAA tilshisi.

«Onyń artýyna «EHRO - 2017» halyqaralyq mamandandyrylǵan kórmesi aıtarlyqtaı áser etti. Ónerkásiptik óndiris 7,5%-ǵa 336,6 mlrd teńgege deıin ósti. Negizinen mashına jasaý men metallýrgııa esebinen artty. Indýstrııalandyrý kartasy jobasynyń arqasynda  24 kásiporyn ashyldy. Budan bólek, negizgi kapıtalǵa salynǵan ınvestıtsııa kóleminiń artýy esebinen ósim 1,5% nemese 505,1 mlrd teńgeni qurady. Іskerlik belsendilikke, eń aldymen kásipkerliktiń órkendeýine «Bıznestiń jol kartasy 2020» baǵdarlamasyn júzege asyrý ońdy yqpal etti. Osy jyldyń basynan beri 14,7 mlrd teńge somaǵa 110 joba maquldandy», - dedi Á.Isekeshov.

Onyń sózine qaraǵanda, qazirgi tańda elordada 8 myń jumys orny bar. Sondaı-aq, 5,3 myń jańa jumys oryndary ashylǵan.

Kásipkerliktiń serpindi damýy bıýdjetke orta jáne shaǵyn kásipkerlikten túsetin salyq kólemine oń áser etýde. Atalǵan kezeńdegi bıýdjetke túsken salyq somasy men tólemder kólemi 209,6 mlrd teńgeni quraǵan.