Áset Isekeshev quqyq qorǵaý júıesin reformalaý máseleleri boıynsha keńes ótkizdi
Keńes barysynda Qaýipsizdik Keńesiniń hatshysy Memleket basshysynyń Qazaqstan halqyna Joldaýynda qoıylǵan quqyq qorǵaý salasyndaǵy mindetterdiń iske asyrylý barysymen tanysty.
Ol qylmystyq protsesti jańǵyrtý jónindegi pılottyq jobanyń búkil elge masshtabtalǵanyn atap ótti. Bul sondaı-aq qylmystyq is júrgizý zańnamasyna tıisti túzetýlermen bekitilgen. Osy oraıda bul jumystyń jergilikti jerlerde qanshalyqty durys uıymdastyrylǵanyn túsiný mańyzdy.
Almatyda qylmystyq protsestiń úsh býyndy modelin engizý qalaı ótip jatqany týraly qala prokýrorynyń mindetin atqarýshy Nazarbaı Ibraımoldaev aıtyp berdi.
«2021 jyly Almaty polıtsııasy qylmystyq ister boıynsha 30 225 protsessýaldyq sheshim qabyldady, onyń 24 708-i prokýrormen kelisilip, bekitildi. ıAǵnı, «prokýrorlyq súzgi» azamattardyń quqyqtaryn buzý sanyn 38% - ǵa azaıtýǵa múmkindik berdi», - dedi Ibraımoldaev.
Keńes aıasynda Áset Isekeshevke qylmystyq isterdi júrgizýdiń jańa formaty, qyzmetkerlerdiń jumys oryndaryn jabdyqtaý jáne óńdeletin derekterdiń qaýipsizdigin qamtamasyz etý ádisteri kórsetildi.
«Qazir Almaty polıtsııa departamentinde qylmystyq isterdi elektrondy formatta júrgizý úshin 375 jumys orny jabdyqtalǵan. E-formatty qoldaný polıtseılerdiń jumysyn ashyq etedi, al derekterdi qorǵaý boıynsha paıdalanylatyn tehnologııalar qylmystyq iste qujattardyń burmalanýyna jáne aýystyrylýyna jol bermeıd», - dedi Almaty PD bastyǵy Qanat Taımerdenov.
Elektrondyq format qabyldanatyn sheshimderdi kelisý protsesin jeńildetýge jáne jyldamdatýǵa, sybaılas jemqorlyq táýekelderin tómendetýge jáne tergeý sapasyn jaqsartýǵa múmkindik berdi.
Sondaı-aq, Qaýipsizdik Keńesiniń hatshysy Almatynyń jol qaýipsizdigin baqylaý júıesiniń jumysymen tanysty. Júıe Almaty PD jedel basqarý ortalyǵyna shoǵyrlandyrylǵan 2 myńnan astam beınekameradan turady.
Ekinshi máseleni talqylaýǵa kóshken Áset Isekeshev polıtsııanyń servıstik modelin pılottyq rejımde engizý protsesi elimizdiń úsh óńirinde júzege asyrylyp jatqanyn aıtty. Onyń aıtýynsha, Almaty elimizdiń eń iri qalasy bolyp tabylady jáne munda pılotty iske asyrýǵa jaýapkershilikpen qaraý mańyzdy.
«Quqyq buzýshylyqtyń aldyn alýdyń qazirgi zamanǵy júıesin qurý tásilderi men polıtsııanyń servıstik modelin el Prezıdenti janyndaǵy Quqyq qorǵaý jáne sot júıelerin reformalaý jónindegi komıssııa maquldady.
Sondyqtan sizder polıtsııanyń servıstik úlgisi jumysynyń negizgi qaǵıdattaryn, ondaǵy ákimdiktiń, basqa da memlekettik organdar men jurtshylyqtyń rólin túsinýlerińiz qajet.
Sizder pılottyq aýmaqtyń keıin memleket pen qoǵamnyń áriptestigine negizdelgen qalanyń qaýipsizdik júıesiniń vızıttik kartochkasy bolyp tabylatyn Almaty qalasynyń búkil aýmaǵynda jınaqtalǵan tájirıbeni tırajdaý úshin bazalyq aýdan bolatynyn túsinýlerińiz qajet.
Bul rette, qazirdiń ózinde eń krımınogendi aýdandardaǵy qylmystyń naqty kórinisin qalyptastyrý jáne búkil qala boıynsha sharalar keshenin anyqtaý úshin sarapshylarmen, quqyq qorǵaý organdarynyń ardagerlerimen, jobalyq keńse aıasynda sarapshylarmen jumysty kúsheıtý qajet: qajet bolǵan jerlerde beınekameralar qoıý, ýchaskelik pýnktter sanyn arttyrý, patrýldeýdi kúsheıtý, jaryqtandyrýdy jaqsartý», - dep atap ótti Isekeshev.
Ol quqyqtyq tártip deńgeıin odan ári arttyrý boıynsha sapaly jumys júrgizý qajettigin atap ótip, birqatar naqty tapsyrmalar berdi.
Keńeske Bas prokýror Ǵızat Nurdáýletov, Іshki ister mınıstri Erlan Turǵymbaev, Prezıdent Ákimshiliginiń Qaýipsizdik jáne quqyq tártibi bóliminiń meńgerýshisi Alekseı Kalaıchıdı jáne Almaty qalasynyń quqyq qorǵaý organdarynyń basshylary qatysty.