Áset Isekeshev káriz shoıyn qaqpaqtarynyń urlanýyna alańdaýly

ASTANA. QazAqparat Elorda ákimi Áset Isekeshev qala kóshelerindegi káriz shoıyn qaqpaqtarynyń urlanýyna alańdaýly. Bul jaıynda ol óziniń Feısbýktaǵy paraqshasynda jazdy, dep habarlaıdy QazAqparat.

«Ókinishke oraı «metall synyǵyn» jınaýshylardyń shoıyn qaqpaqtardy urlaýy qaıǵyly oqıǵalarǵa ákep soqtyrady. Jekelegen azamattardyń, is júzinde qylmyskerlerdiń saldaryn oılanbastan shoıyn qaqpaqtardy arsyzdyqpen urlaıtyndyqtaryn atap ótkim keledi.  Eki  jyldyń ishinde bir jerdiń ózinde birneshe ret aýystyrdyq. Metall synyqtaryn jınaýshylar urlamaýy úshin kompozıttik qaqpaqtarǵa kóshýdemiz. Degenmen, qalada shoıyn qaqpaqtar áli de kóp. Sondyqtan barlyqtaryńyzdan qaqpaqsyz  ashyq káriz kórseńizder kidirmesten 109 telefonyna nemese ákimdik saıtyna habarlasýlaryńyzdy suraımyz. Kómekterińizge rahmet»,- dedi Isekeshev.