Áset Isekeshev Ábý-Dabı qalasynyń merimen kezdesti

ASTANA. QazAqparat - Ábý-Dabı qalasynyń meri bastaǵan BAÁ delegatsııasynyń resmı saparynyń baǵdarlamasynda qazaqstandyq-emırattyq bıznes forým men Astana qalasy ákimi Áset Isekeshev pen Ábý-Dabı qalasynyń meri Aýaıd Mýrshed Al-Mararmen kezdesý qarastyrylǵan.

Forýmda Astana qalasynyń ınvestıtsııalyq múmkindikteri men jobalary usynyldy. Astana men Ábý-Dabı qalalarynyń basshylary ózara túsinistik jáne yntymaqtastyq jónindegi memorandýmǵa qol qoıdy. Taraptar óz múmkindikterin birlese júzege asyrý, sonymen qatar jańa jobalardy iske asyrý aıasynda aımaqaralyq áriptestikti damytý máselelerin talqylady. 

Aıta keteıik, Qazaqstan men Birikken Arab Ámirlikteri memleketteriniń basshylary arasyndaǵy kelisimge sáıkes Astana qalasynda «Ábý-Dabı Plaza» jobasy júzege asyrylýda. Onda arabtar tarapynan 1,7 mlrd AQSh dollary kóleminde tikeleı ınvestıtsııa tartylǵan.

Kezdesýde sondaı-aq týrızm salasyna, jyljymaıtyn múlik, densaýlyq, bilim, sport, qala qaýipsizdigi, «aqyldy» tehnologııa jáne ózge de salalarǵa ınvestıtsııa quıý josparlary talqylandy.

«Eki astana arasyndaǵy ózara túsinistik týraly memorandým seriktester retinde syndarly  dılogty kezeń-kezeńimen damytýǵa negiz salady. Bul óz kezeginde baýyrlas qarym-qatynastardyń ornaýyna yqpal etpek, - dedi elorda ákimi.

Kezdesý qortyndysy boıynsha eki tarap birlesip atqarylatyn jumystardyń josparyn bekitti.