Áset Isekeshev 93 jasar soǵys ardagerin quttyqtady
«Búgin elorda ákimi Áset Isekeshev pen «Almaty» aýdanynyń ákimi Ádilbek Sársembaev Uly Otan soǵysynyń ardageri, 1924 jyly týǵan Mıhaıl Vasılevıch Kalınındi quttyqtady»,-dep habarlady aýdan ákimdiginiń baspasóz qyzmeti.
Mıhaıl Vasılevıch soǵysqa 1942 jyly shaqyrylyp, aǵa leıtenant ataǵyn aldy. 1946 jyly Otany - Qazaqstanǵa oralyp, túrli nysandardyń qurylys jumystaryna qatysty. Zeınetke 1998 jyly shyqty.
Mıhaıl Kalınınniń 1-shi jáne 2-shi dárejeli Uly Otan soǵysy ordeniniń, «Qyzyl juldyz» ordeniniń jáne «Erligi úshin», «Eńbektegi erligi úshin», «Germanııany jeńgeni úshin», «Pragany azat etkeni úshin» medaldarynyń jáne ózge de marapattardyń ıegeri.
Ákimdik taratqan málimetterge qaraǵanda, búgingi tańda elordada Ekinshi dúnıejúzilik soǵystyń 121 qatysýshysy bar. Olardyń 99-y UOS ardageri, múgedekter - 22. Olardyń barlyǵy Uly Jeńis merekesiniń qarsańynda 500 myń teńge kóleminde bir mezgildik tólemaqy aldy.