Áset Erǵalıev Prezıdent bastamalaryn júzege asyrý joldaryn atady
«Halqymyzdyń ál-aýqatyn arttyrýǵa baǵyttalǵan Memleket basshysynyń 5 bastamasyn iske asyrý maqsatynda kelesi is-sharalardy júzege asyrý kózdeledi. Birinshi, 2022 jylǵy 1 qańtardan bastap eń tómengi jalaqy 60 myń teńgege deıin kóteriledi. Ekinshi bastama, bıznesti jumysshylarynyń eńbekaqysyn kóbeıtýge yntalandyrý boıynsha is-sharalar ázirlenedi», - dedi mınıstr.
Onyń atap ótýinshe, úshinshi bastama aıasynda mıkro jáne shaǵyn kásipkerlik úshin eńbekaqy tóleý qorynan biryńǵaı tólem engizý josparlanǵan. Bul jıyntyq bızneske salmaqty 34 paıyzdan 25 paıyzǵa tómendetýge mýmkindik beredi. Al tórtinshi bastamada 2022 jyldan 2025 jylǵa deıin jekelegen sanattaǵy azamattyq qyzmetkerlerdiń jalaqysyn jyl saıyn orta eseppen 20 paıyzǵa ulǵaıtý kózdeledi.
«Besinshi bastamada zeınetaqy jınaǵynyń jetkilikti mólsheriniń sheginen asatyn bóligin turǵyn-úı satyp alý úshin «Otbasy» bankindegi esepshotyna aýdarýǵa ruqsat berý múmkindigi beriledi», - dedi Áset Erǵalıev.