Áset Erǵalıev: Óńirlerdi damytý josparlary jańartylady

NUR-SULTAN. QazAqparat – Óńirlerdi damytý josparlary jańartylady. Bul týraly Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.

«Elimizdiń árbir óńiriniń básekelestik artyqshylyqtaryn aıqyndaıtyn is-sharalardy qamtıtyn óńirlik damýdyń jańa tásilderi ázirlenedi. Ol úshin «Aglomeratsııalardy damytý týraly» Zań daıyndalady. Onyń aıasynda ortalyq qala men shetkeri aımaq arasynda fýnktsııalardy naqty bólý jolymen ınstıtýtsıonaldyq damytý kózdeledi. Biryńǵaı qala qurylysy aglomeratsııalaryn josparlaý engiziledi»,- dedi Áset Erǵalıev.

Onyń atap ótýinshe, aýmaqtyq damý josparynda «Adamdardy – ınfraqurylymǵa» jaqyndatý qaǵıdaty bekitiledi.

«Budan basqa, bekitilgen jalpyulttyq mindetterge sáıkes Óńirlerdi damytý josparlaryn jańartý kózdelip otyr. Ulttyq ekonomıka mınıstrligi Memleket basshysynyń Qazaqstan halqyna Joldaýynda bergen árbir tapsyrmasyn jan-jaqty ári jedel oryndaıtyn bolady. Joldaýdy tıimdi iske asyrý úshin mınıstrliktiń jumysy mynadaı qaǵıdattarda júrgiziledi: jobalyq tásildi qoldaný, protsesster debıýrokratııany barynsha azaıtý jáne nátıjege umtylý», - dedi ol.