Áset Erǵalıev ınflıatsııa men ekonomıkalyq ósim týraly boljamyn aıtty

NUR-SULTAN. QazAqparat – Úkimet úıinde ótken brıfıngide QR ulttyq ekonomıka mınıstri Áset Erǵalıev ınflıatsııanyń ekonomkalyq ósimge qalaı qysym jasaýy múmkin ekenin boljady, dep habarlaıdy QazAqparat tilshisi.

«Ózderińiz bliesizder, Respýblıkalyq bıýdjet Parlament qaraýynda jatyr. Respýblıkalyq bıýdjettiń boljamdary makroekonomıkalyq boljamdarmen, stsenarılermen tikeleı baılanysty. Ony da Parlamentke engizgenbiz. Biz kelesi jyly ekonomıkanyń ósimi 3,9 paıyz bolady dep boljap otyrmyz. Al ınfltsııa deńgeıi 4-6 paıyz dálizinde saqtalady delinip otyr», - dedi mınıstr.

Sharada Qarjy mınıstri depýtattardyń synyna jaýap berdi.

«Qarjy mınıstrligi kez kelgen konstrýktıvti syndy qalypty qabyldaıdy. Biz arqashan dıalogqa daıynbyz. Biraq bul jerde moratorııdi alyp tastaý týraly sóz joq. Moratorıı Prezıdent Jarlyǵy boıynsha 2023 jyldyń 1 qańtaryna deıin saqtalady. Qarjy mınıstrligi josyqsyz kásipkerlerdi jaýapqa tartý bóliginde ǵana máseles kótergen bolatyn. Birneshe mysal keltireıin: ótken jyly saýda operatsııalary kezinde túbirtek berilmegeni týraly 19 myńnan astam shaǵym tústi. Taǵy bir mysal: biz júıede onlaın baqylaý-kassalyq mashınalaryn qoldanatyn kásipkerlerdiń 50 paıyzy udaıy túbirtek bermeıtinin kórip otyrmyz», - dedi Qarjy mınıstri.