Áset Erǵalıev ekonomıka ósimine qatysty túsinik berdi

NUR-SULTAN. QazAqparat – QR Ulttyq ekonomıka mınıstri Áset Erǵalıev Ortalyq kommýkatsııalar qyzmetinde ótken baspasóz máslıhatynda jalpy ishki ónim ósimine qatysty túsinik berdi, dep habarlaıdy QazAqparat tilshisi.

«Qazirgi kezeńde bizdiń resmı boljam bıylǵa ekonomıka ósimi 3,1 paıyz shamasynda. Ulttyq bankpen jáne Qarjy mınıstrligimen boljamnyń kelesi mejesine qatysty birlesken jumystardy atqaryp jatyrmyz. Bul boljamdy raýnd bıylǵy 1 qyrkúıekte aıaqtalady. Basshylyq ekonomıka ósimi 3,5 paıyz nemese odan da joǵary bolýy múmkin ekenin aıtty. Aldaǵy raýndta biz ózimizdiń boljamdy mándi joǵarylatymyz degen oıdamyn. Bul turǵyda bes aıdyń qorytyndysy boıynsha ekonomıka ósimi 1,6 paıyz deńgeıinde qalyptasty. Osyǵan deıingi raýndta 1,2 paıyzdy bolady dep eseptegen edik», - dedi Á. Erǵalıev.

Osy oraıda ol halyqaralyq taýar jáne bırja naryqtarynda baǵa turaqtanyp kele jatqanyn atap ótti.

Qurylys salasynda da jaqsy qarqyn bar ekenine toqtalǵan mınıstr, «TMD aıasynda halyqtyq jan basyna shaqqanda baspana salý boıynsha birinshi oryndamyz. Shamamen aıtsaq, 3,5-ten 4 paıyzǵa deıingi dálizde bolady. Aldaǵy ýaqytta jeti aıdyń kórsetkishterin nazarǵa alamyz. 3,7-3,8 paıyz bolýy múmkin», - dedi mınıstr.