Áset Erǵalıev: Bıyl 15,4 trln teńge ınvestıtsııa tartý - basty mindet

NUR-SULTAN. QazAqparat – Bıyl 15,4 trln teńge somaǵa ınvestıtsııa tartý - basty mindet. Bul týraly búgin Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.

«Memleket basshysy qoıǵan maqsattardy jáne «Nur-Otan» partııasynyń saılaýaldy baǵdarlamasyn eskere otyryp, 2021 jyly qol jetkizý qajet nysanaly ındıkatorlar aıqyndaldy. Eń aldymen, osy jyly ekonomıkanyń ósimin 3 paıyzǵa deıin jetkizý kózdelip otyr. Osy maqsatta árbir sala men óńir úshin nysanaly parametrler aıqyndaldy. Sondaı-aq, basty mindetterdiń biri - 2021 jyly 15,4 trln teńge somaǵa ınvestıtsııa tartý bolyp sanalady. Bul ınvestıtsııany jalpy ishki ónimniń 20 paıyzy deńgeıinde qamtamasyz etýge múmkindik beredi», - dedi Áset Erǵalıev.