Ásem Orynbaı stend atýdan Parıj Olımpıadasynyń joldamasyna ıe boldy
QR Týrızm jáne sport mınıstrliginiń baspasóz qyzmetiniń habarlaýynsha, skıt baǵdarlamasynda baq synaıtyn sportshy jańartylǵan álem reıtınginde 1-ornyn saqtap qaldy. Osylaısha qalǵan jalǵyz kvotaǵa qol jetkizdi.
Ásem byltyr Katar astanasy Doha qalasynda ótken álem kýbogynda jeńimpaz bolsa, 2022 jyly Horvatııada bolǵan álem chempıonatynda aralas juptyq synda qola júldeger atandy. Sondaı-aq kóptegen jarysta jeńis tuǵyrynan kórinip, júldegerler qatarynan endi.
Aıta ketsek, stend atý sheberleri Olımpıadanyń 3-joldamasyna qol jetkizdi. Buǵan deıin mundaı múmkindikke Edýard Eşenko (skıt) men Marııa Dmıtrıenko (trap) ıe bolǵan.
Qazir Qazaqstan komandasynyń qorjynynda Parıj Olımpıadasyna berilgen joldama sany 54-ke jetti.
Dúbirli doda 26 shilde-11 tamyzy aralyǵynda ótedi. Oǵan álemniń 205 elinen 10 myńnan astam sportshy keledi dep kútilýde. Aıtýly alamanda sporttyń 32 túrinen 329 medal jıyntyǵy sarapqa salynady.