Ásel Shildebaeva: Óńirler – kreatıvti ındýstrııany damytýdyń áleýetti ortalyǵy
«Creative Central Asia – 2023» Ortalyq Azııanyń kreatıvti ındýstrııalarynyń jyl saıynǵy forýmy 100-den astam halyqaralyq kreatıv ındýstrııa ókili men sarapshy-spıkerdiń basyn qosty. Olar Almaty kreatıv ındýstrııa tájirıbesin keńeıtý jáne Ortalyq Azııadaǵy kreatıv ındýstrııany damytýdyń mańyzdy joldary men negizgi úrdisterin talqylady.
Qor jetekshisi kreatıv ındýstrııa iri qalalarmen ǵana shektelmeıtinin, onyń óńirlik úlgisin qalyptastyrý qajeti týyndaǵanyn atap ótti. Geografııalyq ornyna qaraı ár óńirdiń óz ereksheligi bar. Sony negizge ala otyryp, ındýstrııa salasyndaǵy qaýymdastyqtarmen birlesip naqty bir maqsatqa jetý úshin negizgi kreatıv baǵyttardy aıqyndap alý qajet.
«Saýatty ınstıtýtsııalyq qurylymdar aıasynda kreatıv sektordy qarqyndy damytý óńirlerge ekonomıkalyq turǵydan ósýge múmkindik berip, saladaǵy shaǵyn jáne orta kásiporyndar onyń negizgi lokomotıvi bolý kerek. Sonymen qatar naryq ózin-ózi uıymdastyrýǵa jáne retteýge qabiletti, sebebi jeke kásipkerlik – órkendep jatqan ekonomıkanyń qozǵaýshy kúshi», - dep atap ótti Ásel Shildebaeva.
Kreatıvtilik óńirlerdi tartymdyraq etýge qabiletti ınnovatsııa kózine aınalý úshin memlekettik organdar kásipkerlik rýhyn qoldap, qaıta qurý protsesine kómektesip, kreatıvti bolý kerek, dedi qor jetekshisi. Kreatıv atmosferany jasaýǵa balabaqsha, mektep, kolledj, joǵarǵy oqý oryndary, kitaphana men mýzeılerdi qorshaǵan keńistik úılesimdiligi sep bolady.
Balalar men jastardyń shyǵarmashylyq qabiletin jáne ınnovatsııalyq tásilderdi damytý bilim berý júıesine dem beredi. Memlekettik organ jáne damý ınstıtýttary ókilderiniń mádenı is-sharalarǵa qatysýy jáne tamashalaýy mádenı oı-sana qalyptastyryp, óner men shyǵarmashylyqqa degen qyzyǵýshylyqtyń oıanýyna septigin tıgizedi.
«Startaptar qurý jáne damytý, resýrstar men sarapshylar qoldaýynyń qoljetimdi bolýy jańa jumys oryndarynyń paıda bolýyna kómektesedi. Jergilikti kásipkerlerdi ishki naryqpen qatar, álem naryǵyna shyǵarý boıynsha óńirlik marketıngtik strategııa ınvestıtsııa tartýǵa qolaıly ekonomıkalyq orta jasaýǵa jáne óńirlerdiń týrıstik áleýetin damytýǵa kómektesedi», - dep atap ótti Ásel Shildebaeva.
Ókiletti organ men damý ınstıtýttary ındýstrııany ilgeriletýde negizi rólge ıe, biraq ózgeristi bastaıtyn – adam: kreatıv ındýstrııa ókilderi, jergilikti atqarýshy organ men damý ınstıtýttarynyń jumysshylary. Prezıdenttik bastamalar qorynyń aıtýynsha, ınnovatsııalyq protsestiń negizgi nysany men basty resýrsy – jastar. Biraq bıyl Aqparat jáne qoǵamdyq damý salasyndaǵy ókiletti organ júrgizgen zertteý jastardyń kásipkerlikke qyzyǵýshylyǵy tómen ekenin kórsetti.
Qor mundaı úrdiske túrli faktorlar, onyń ishinde, jastardyń qazirgi qarjylandyrý kózderi men qoljetimdi ınfraqurylymdar týraly aqparatqa qanyq emestigi, sondaı-aq osy salada bilim men qabilettiń joqtyǵy sebep deıdi.
Eldiń áleýmettik-ekonomıkalyq ómirine jastardy aralastyrý óte mańyzdy, sol sebepti Prezıdenttik bastamalar qory osy máselege erekshe nazar aýdarýdy josparlap otyr. Barlyq múddeli taraptyń tıimdi jumysy kreatıv ındýstrııaǵa Qazaqstan óńirlerin ekonomıkalyq damytý kózi bolýǵa múmkindik beredi.