ASEAN elderi áleýmettik jelide ekstremızmdi taratýǵa qarsy shyǵady

ASTANA. QazAqparat - Ońtústik-Shyǵys Azııa memleketteri qaýymdastyǵynyń (ASEAN) syrtqy ister mınıstrleri áleýmettik jelilerdegi ekstremıstik materıaldardy taratýǵa qarsy is-qımyl boıynsha birlesken málimdeme daıyndady. 

Bul týraly Reuters agenttigi habarlady.

Agenttiktiń derekterine sáıkes birlesken málimdemeni Manılada 7 tamyzda ótetin qaýipsizdik jónindegi ASEAN óńirlik forýmynyń qatysýshylary qabyldady. Sharaǵa qatysýǵa «azııalyq ondyq» elderinen (ASEAN-ǵa kiretin elder - Indonezııa, Malaızııa, Sıngapýr, Taıland, Fılıppın, Brýneı, Vetnam, Laos, Mıanma, Kambodja) ǵana emes, Reseı, Qytaı jáne AQSh-ty qosa alǵanda, ASEAN-nyń 17 dıalogtyq áriptesteri qatysady.

6-8 tamyzda Fılıppınde Shyǵysazııalyq sammıtke qatysýshy elder dıplomattarynyń mınıstrlik deńgeıdegi kezdesýi jáne qaýipsizdik jónindegi ASEAN Óńirlik forýmynyń sessııasy ótedi.