Asaıyn Baıhanov jemqorlyq kúdigimen ustalǵan áriptesi týraly: Semizdikti qoı ǵana kóteredi
«Bul másele týraly sizderge belgili málimetti ǵana bilemin. Al baǵany tergeý oryndary men sot berý kerek. Sondyqtan tergeýdiń aıaqtalǵanyn kútý kerek dep qana aıta alam», - dedi ol BAQ ókiliniń saýalyna bergen jaýabynda.
Sondaı-aq, ol atalǵan sheneýniktiń buǵan deıin de qol astynda istegenin eske saldy.
«Óz atymnan men Pavlodar qalasynyń ákimi bolyp turǵanda Qalıaqparov Turǵyn úı-kommýnaldyq sharýashylyq bóliminiń basshysy bolǵanyn ǵana aıta alam. Ol kezde moınyna artylǵan tapsyrmalardy adal, jaýapkershilikpen oryndaıtyn. Oǵan ne bolǵanyn aıta almaımyn. Qazaqta «Semizdikti qoı ǵana kóteredi» degen sóz bar. Dálme-dál orysshalaý qıyn. Biraq maǵynasy baılyqtyń býyn árkim kótere bermeıdi degenge keledi. Adam keıde adamdar ózgeredi. Men memlekettik qyzmet, jalpy joǵary laýazym degen úlken jaýapkershilik júkteıdi dep esepteımin. ıAǵnı, árdaıym synaqtyń astyndasyń. Al kez kelgen synaqtyń sońynda ne jazaǵa, ne marapatqa jolyǵasyń», - dedi Asaıyn Baıhanov.