Asaıyn Baıhanov Ekibastuzda jylý qubyrlary áli qazýly jatqanyna pikir bildirdi
10:56, 01 Qyrkúıek 2023
ASTANA. QazAqparat – Parlament palatalarynyń birlesken otyrysy aldynda Pavlodar oblysynyń ákimi Asaıyn Baıhanov Ekibastuzda jylý qubyrlary áli qazýly kúıi jatqany jaıly shaǵymdarǵa jaýap berdi, dep habarlaıdy QazAqparat tilshisi.
«Ekibastuz qalasynda jalpy 400 shaqyrym jylý jelisi bar. Bıyl osy jazda 65 shaqyrymǵa jóndeý jumystary júrgiziledi. Mundaı aýqymdy jumys Ekibastuz salynǵaly istelgen joq. Qala salynǵan 1957 jyldan 1970 jylǵa deıin ǵana osyndaı ınfraqurylymnyń qurylys jumystary júrgizilgen», - dedi ol.
Ákimniń aıtýynsha, sol kezeńnen beri qalada aýqymdy jańartý bolmaǵan.
«Búginde 65 shaqyrymnyń 55 shaqyrymy aıaqtaldy, ıaǵnı búkil jumystyń 80 paıyzdan astamy jasaldy. Osy qyrkúıektiń 20-syna deıin tolyq aıaqtaımyz», - dedi oblys basshysy.