Asanáli Áshimov: Tárbıe jáne mádenıetsiz ǵylym men bilim – qaýipti
«Prezıdent Joldaýyn qaısymyz kalaı túsindik?! Biz akterler sózden góri sóz astaryn kóbirek baıqaımyz. Prezıdent Joldaýynda kúnde estip júrgen sózder bolǵanmen, túsingen adamǵa astarynda óte tereń máseleler aıtyldy. Eki saǵat telearna aldynda tapjylmaı tyńdadyq. Ulylardan tsıtata keltirgen ádemi baıandama boldy. Mysaly, Ahmet Baıtursynulynyń «bilimdi bolý úshin oqý kerek, baı bolý úshin kásipkerlik kerek» degeni. Kásip pen eńbekpen, mańdaı termen tapqan baılyq – elge tıetin baılyq. Korrýptsııamen kelgen baılyq – boıǵa sińbeıtin, halyqqa esh paıda bermeıtin dúnıe. Kúshti bolý úshin – birlik kerek. Munda da úlken astar jatyr», - dedi Asanáli Áshimov.
Belgili akter tárbıe jáne mádenıetsiz ǵylym men bilimniń qaýipti ekendigin aıtty.
«Osynyń barlyǵy mádenıetke kep toqtaıdy. Kósheden durys ótý úshin de mádenıet kerek. Joldaýda kereń estıtin, mylqaý túsinetin sóz aıtyldy. Osy otyrǵan azamattar ǵalymdar, úkimetimizge qoldan kelgenshe járdem bereıik. Osy jerde qalyp qalmasyn», - dedi A.Áshimov.
Aıta keteıik, 2020 jylǵy 1 qyrkúıekte Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saıynǵy dástúrli Joldaýyn jarııalady.