Asanáli Áshimov ereýilge shyqqan halyqqa basý aıtyp, sabyrǵa shaqyrdy
«Qymbatty baýyrlar, qandastar! Mynaý bolyp jatqan jaǵdaıdy estip meniń júregim aýyryp otyr. Ár ýaqta eldiń tynyshtyǵy kerek. Arandatýshylar kóp. Solarǵa ermeńizder. Ár ýaqta men halyq ártisi retinde sizdermen birgemin. Biraq Úkimettiń sizderge jasap jatqan jaǵdaıyna men qosylam. Eki jaq kelisip, bir jaqsy jaǵdaıǵa keleıik. Biz yntymaǵy jarasqan elmiz. Men ár ýaqyta sizdermen birgemin», - dedi ardager akter elge joldaǵan beıneúndeýde.
Halyq ártisi Úkimet halyqtyń talabyn oryndaıtynyna senetinin aıtady.
«Úkimet sizderdiń aıtqandaryńyzdy oryndaıtynyna men senemin. Sondyqtan eshqandaı arandatýshylarǵa senbeńizder. Sizderdi men jaqsylyqqa, tynyshtyqqa shaqyramyn. El tynysh bolsyn. El qobaljyp ketti, ábirjip ketti. Sony abaılańyzdar, eldiń tynyshtyǵyn saqtańyzdar. Men Prezıdentimiz Qasym-Jomart Kemelulynyń sizdermen kelisip taýyp, sheshimin tabatynyna senemin. Sondyqtan sabyr saqtańyzdar, aqylǵa kelińizder. Tynyshtyq bolsyn ár ýaqta. Soǵan men sizderdi shaqyramyn», - dedi Asanáli Áshimov.