Asa iri mólsherde esirtki kontrabandasyn uıymdastyrǵan Qazaqstan azamaty Reseıden ekstradıtsııalandy

<p>ASTANA. KAZINFORM -&nbsp;Qazaqstan Bas prokýratýrasy Qazaqstan azamatyn asa iri mólsherde esirtki kontrabandasy úshin qylmystyq jaýapkershilikke tartý úshin Reseı Federatsııasynan ekstradıtsııalady.</p> <!-- [if !supportLineBreakNewLine]--> <p></p> <!--[endif]-->

Bas prokýratýranyń baspasóz qyzmeti málim etkendeı, ótken jyldyń maýsym aıynda ol adamdar tobynda aldyn ala sóz baılasyp, birneshe memlekettiń aýmaǵy arqyly salmaǵy 60 kg-ǵa jýyq geroın men salmaǵy 10 kg-nan asatyn gashısh kontrabandasyn uıymdastyrdy.

Sotqa deıingi tergeý barysynda kúdiktige halyqaralyq izdeý jarııalandy.

«Ótken jyldyń tamyz aıynda ol Máskeýde ustaldy. Sodan keıin Qazaqstan Respýblıkasy Bas prokýratýrasynyń suraý salýy boıynsha Qazaqstanǵa ekstradıtsııalandy. Qazirgi ýaqytta kúdikti tergeý ızolıatoryna qamaldy», - delingen habarlamada.

Aıyptalyp otyrǵan qylmys úshin múlki tárkilenip, 15 jyldan 20 jylǵa deıingi merzimge bas bostandyǵynan aıyrý ne ómir boıyna bas bostandyǵynan aıyrý túrindegi jaza kózdelgen.

Buǵan deıin bankte jumys istep, klıentterdiń atynan nesıe rásimdegen kúdikti Reseıden ekstradıtsııalanǵanyn jazǵan bolatynbyz.