Asa iri laýazym ıeleriniń atyn paıdalanyp, 1 mln dollar jymqyrǵan kúdikti sottaldy

<p>ASTANA. KAZINFORM &ndash; Sybaılas jemqorlyqqa qarsy is-qımyl agenttiginiń resmı ókili Arman Tileýkenov asa iri laýazym ıeleriniń atyn paıdalanyp 1 mln dollar jymqyrdy delingen kúdiktiniń sottalǵanyn málim etti.</p>

«Ótken jyldyń sońynda Astana qalasynyń qylmystyq ister jónindegi mamandandyrylǵan aýdanaralyq soty K.Altaevqa qatysty úkim shyǵardy.

Oǵan 10 jyl merzimge bas bostandyǵynan aıyrý jazasy taǵaıyndaldy. Sondaı-aq ómir boıy memlekettik qyzmet atqarý quqyǵynan aıyryldy», - dedi ol.

Aıtýynsha, sot kináli dep tapqan azamat «Ken ornyn ıgerý kelisimshartyn uzartamyn» degen ýádemen para talap etken.

«Ol asa iri mólsherde para berýge arandatýshylyq jasaǵany, onyń 1 mıllıon AQSh dollary kólemindegi aqshalaı qarajatyn jymqyrýǵa oqtalǵany úshin aıyptaldy.

Bul rette sottalǵan K.Altaev joǵary laýazymdy tulǵalardyń esimderin alǵa tartyp, elimizdegi oblystardyń birindegi ken ornynda jer qoınaýyn paıdalaný kelisimshartyn uzartýǵa ýáde bergen», - dedi agenttiktiń resmı ókili.