Asa iri kólemdegi esirtkiniń zańsyz aınalymy úshin izdeýde júrgen adam Armenııadan ekstradıtsııalandy

<p>ASTANA. KAZINFORM &ndash; Búgin QR Bas prokýratýrasy jáne QR ІІM Interpol qyzmetkerleri Syrtqy ister mınıstrliginiń kómegimen asa iri mólsherdegi psıhotroptyq zattardyń, sondaı-aq sol tektesterdiń zańsyz aınalymy úshin qylmystyq jaýapqa tartý maqsatynda Qazaqstan azamatyn ekstradıtsııalady.</p>

QR Bas prokýratýrasy baspasóz qyzmetiniń habarlaýynsha, buǵan deıin qostanaılyq polıtseıler alfa-PVP psıhotroptyq zatynyń jáne sol tektes mefedronnyń zańsyz aınalymyna qatysty jedel-izdestirý is-sharalaryn júrgizý barysynda kúdiktini áshkereledi.

Alaıda oǵan qoǵamnan oqshaýlanýǵa baılanysty emes bultartpaý sharasy tańdalýyna baılanysty ol tergeýden jasyrynǵandyqtan, halyqaralyq izdeýge jarııalanǵan.

Ótken jyldyń qyrkúıek aıynda atalǵan adam Erevanda ustalyp, odan keıin Qazaqstan Respýblıkasy Bas prokýratýrasynyń suraýy boıynsha Qazaqstanǵa ekstradıtsııalandy.

Qazirgi ýaqytta kúdikti Aqtaý qalasyndaǵy tergeý ızolıatoryna qamaldy.

«Atalǵan qylmysty jasaǵany úshin 3 jyldan 7 jylǵa deıingi merzimge bas bostandyǵynan aıyrý jazasy qarastyrylǵan»,-delingen habarlamada.