Asa mańyzdy nysandardy kúzetýge lıtsenzııa berýdiń erekshe sharttary aıqyndaldy

NUR-SULTAN. QazAqparat - Májiliste QR keıbir zańnamalyq aktilerine kúzet qyzmeti boıynsha ózgerister men tolyqtyrýlar engizý týraly zań jobasy maquldanyp, Senatqa joldandy, dep habarlaıdy QazAqparat tilshisi.

Zańnama jáne sot-quqyqtyq reforma komıtetiniń múshesi Arman Qojahmetov zań jobasynyń negizgi maqsaty - kúzet qyzmeti salasyndaǵy zańnamany jetildirý ekenin málim etti.

Onyń aıtýynsha zań jobasynda kúzet qyzmetteriniń sapasyn arttyrýǵa, azamattardyń múliktik jáne jeke quqyqtaryn qorǵaýdy jetildirýge, osy saladaǵy qoldanystaǵy zańnama normalarynyń jekelegen sáıkessizdikterin joıýǵa baǵyttalǵan zańdarǵa birqatar túzetý kózdeledi.

Atap aıtqanda, Eńbek kodeksiniń 52-babyna jumysker zańda belgilengen, kásiptik qyzmetke qoıylatyn talaptarǵa saı kelmegen jaǵdaıda jumys berýshiniń bastamasymen eńbek shartyn buzý negizderin naqtylaýǵa qatysty túzetý engizilgeli otyr.

Sondaı-aq Eńbek kodeksinde jáne zańda ártúrli túsindiriletin «arnaýly kıim» uǵymynyń anyqtamasyndaǵy túrli túsinikti joıý maqsatynda keıbir túzetýlerdi engizý josparlanǵan.

Usynylatyn kúzet qyzmetteriniń sapasyn arttyrý, strategııalyq, asa mańyzdy nysandar men terrorıstik turǵydan osal nysandar senimdi túrle qorǵalýy úshin depýtattar «Ruqsattar jáne habarlamalar týraly» zańǵa kúzet qyzmetimen aınalysýǵa arnalǵan lıtsenzııany kishi túrlerge bólý tártibine túzetý engizdi.

Lıtsenzııa berýdiń erekshe sharttary aıqyndaldy.

Sonymen qatar, zań jobasynyń barlyq mátini boıynsha quqyqtyq olqylyqtarǵa jol bermeý úshin redaktsııalyq, naqtylaý sıpatynda túzetýler engizildi.