Asa iri mólsherde esirtki saqtaǵan jambyldyq 7 jylǵa deıin sottalýy múmkin
Jambyl oblysy polıtsııa departamenti baspasóz qyzmetiniń málimetinshe, vedomstvonyń esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn júrgizý barysynda Shý qalasynyń 52 jastaǵy azamatyn ustady. Kúdiktiniń turǵylyqty jeri boıynsha tintý júrgizý barysynda jalpy salmaǵy 5 keli 542 gramm keptirilgen marıhýana jáne 65 gramm gashısh esirtki zattary tabylyp, tárkilendi.
Ustalǵan azamat óz kinásin tolyq moıyndady. Qazirgi ýaqytta ol Shý qalasynyń ýaqytsha ustaý ızolıatoryna qamaýǵa alyndy.
«Atalǵan derek boıynsha Qazaqstan Respýblıkasy Qylmystyq kodeksiniń 296-baby 4-bóligimen (Esirtki zattaryn asa iri mólsherde zańsyz saqtaý) sotqa deıingi tergeý amaldary júrgizilýde. Osy qylmysty jasaǵany úshin 3 jyldan 7 jylǵa deıin bas bostandyǵynan aıyrý jazasy qarastyrylǵan», – dep atap ótti oblystyq PD EQQІB bastyǵy Asqar Jumabekov.