Asa iri kólemdegi esirtkilerdi saqtaǵan almatylyq ustaldy

ALMATY. QazAqparat – 30 jastaǵy Almaty turǵyny asa iri kólemdegi esirtki saqtaǵany úshin ustaldy, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.

«Mamyr» yqsham aýdanyndaǵy ustalǵan azamattyń páterin tintý kezinde ózine tán ıisi bar jasyl tústi untaq salynǵan 74 polıetılen túıinshek tabyldy. Sot-hımııalyq saraptama nyń anyqtaýynsha untaq – salmaǵy 340,1 gramm bolatyn gashısh esirtkisi. Kúdikti kinásin moıyndap, ýaqytsha ustaý ızolıatoryna qamaldy», – dep atap ótti Almaty qalasynyń PD esirtki qylmysyna qarsy is-qımyl basqarmasynyń bastyǵy Erlan Álmaǵambetov.

Atalǵan fakti boıynsha Qylmystyq kodekstiń 297-baby boıynsha sotqa deıingi tergeý amaly júrgizilip jatyr. Bul bapta úsh jyldan jeti jylǵa deıin bas bostandyǵynan aıyrý jazasy kózdelgenn.

Vedomstvoda málimetinshe, qara naryqtaǵy gashıshtiń 5 gramynyń baǵasy 3 000 teńge. Qazir tergeý amaldary onyń taýardy qaıdan jáne qalaı alǵanyn anyqtap jatyr.