Asa iri kólemde salyq tóleýden jaltarǵan qazaqstandyq Belarýs elinen ekstradıtsııalandy

ASTANA. QazAqparat - Belarýs memleketinen asa iri kólemde salyq tóleýden jaltardy dep aıyptalǵan qazaqstandyq ekstradıtsııalandy, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

Búgin Bas prokýratýra men Memlekettik kirister komıtetiniń qyzmetkerleri ekonomıkalyq qylmys jasaǵany úshin qylmystyq jaýapkershilikke tartý úshin Belarýs memleketinen Edýard Maslovty ekstradıtsııalady.

«Ol 2016-2017 jyldar aralyǵynda 190 mln teńgeden astam somaǵa salyq tóleýden jaltardy degen kúdikke ilindi. Tergeý boljamyna sáıkes, atalǵan qylmysty jasaýdyń qylmystyq shemasyn tulǵalar tobynda Qaraǵandy qalasyndaǵy «PromStroıIndýstrııa LTD» JShS-niń quryltaıshysy jáne dırektory bola tura, aldyn ala sóz baılasyp jasaǵan.

Kúdikti qylmystyq qýdalaý organynan jasyrynǵannan keıin oǵan halyqaralyq izdeý jarııalandy», delingen habarlamada.

Qazirgi ýaqytta E. V. Maslov Astana qalasynyń tergeý ızolıatoryna qamaldy.