Asa iri kólemde esirtki saqtaǵan BQO turǵyny 11 jylǵa sottaldy

ORAL. QazAqparat – Batys Qazaqstan oblysynda asa iri kólemde esirtkini zańsyz saqtaǵan turǵyn 11 jylǵa sottaldy, dep habarlaıdy QazAqparat tilshisi.

BQO prokýratýrasynyń baspasóz qyzmetinen málim etkenindeı, ol 1 keligen jýyq, dálirek aıtqanda 989,94 gramm mefedron jáne 182,62 gramm gashıshti ótkizý maqsatynda zańsyz saqtaǵan.

BQO qylmystyq ister jónindegi mamandandyrylǵan aýdanaralyq sotta qaralǵan is boıynsha turǵynnyń memlekettik aıyptaýmen taǵylǵan áreketke qatystylyǵy, sonyń ishinde Telegram kanaly arqyly ótkizý maqsatynda esirtki zattaryn saqtaý nıeti tolyq dáleldendi. Jaldamaly páterden zańsyz zattardan basqa, olardy dozalarǵa ólshep oraýǵa arnalǵan quraldar tabyldy.

Sot aıyptaý ustanymymen kelisip, aıyptalýshy 11 jylǵa bas bostandyǵynan aıyrý jazasyn qaýipsizdigi barynsha joǵary qylmystyq-atqarý júıesi mekemesinde óteýge sottaldy.

«Sottalýshy aıyptaý úkimimen kelispeı, oblystyq sottyń apellıatsııalyq satysyna shaǵym túsirdi. Apellıatsııalyq sot birinshi satydaǵy sottyń úkimin ózgerissiz qaldyrdy. Sot úkimi zańdy kúshine endi», - dep habarlady vedomstvodan.