Asa aýyr salmaqtaǵy qazaqstandyq boksshynyń WBC tıtýly úshin kimmen aıqasatyny belgili boldy

NUR-SULTAN. QazAqparat –Sýper aýyr salmaqtaǵy qazaqstandyq boksshy Jan Kosobýtskııdiń (17-0, 16 KO) sharshy alańǵa qaıtyp oralatyn kúni belgili boldy, dep habarlaıdy QazAqparat Sports.kz-ke silteme jasap.

Esh jeńilip kórmegen Jannyń kelesi jekpe-jegi 19 aqpanda Gambýrgte (Germanııa) ótedi. Qarsylasy 40 jastaǵy tájirıbeli frantsýz Joan Dıýopa (39-6, 26 KO) bolmaq. Aıqas on raýndtan turady.

20 qarashada Gambýrgte ótken sońǵy jekpe-jeginde Jan Kosobýtskıı domınıkalyq Aleksıs Garsııany (11-1, 7 KO) nokaýtpen jeńip, aýyr salmaqtaǵy WBC International Silver tıtýlyn jeńip aldy.

Dıýopa buǵan deıingi aıqasyn 13 qarashada Lıýksembýrgte ótkizdi. Ol ekinshi raýndta vengr Andrash Chomordy (18-33-2, 14 KO) tehnıkalyq nokaýtpen jeńdi.

Aıta ketý kerek, Dıýopamen judyryqtasqandar tiziminen kóptegen tanymal esimderdi taba alasyz. Bir kezderi ol rıngte Tonı Ioka, Aleksandr Povetkın, Djarrel Mıller, Robert Helenıýs, Deonteı Ýaılder jáne Manýel Charr sııaqty boksshylarmen kezdesken.