«Arzanǵa qant satamyn»: Óskemende 300-ge jýyq adamdy aldaǵan alaıaqqa sot úkimi shyqty

<p>Óskemen qalasynda arzanǵa qant satamyn dep 300-ge jýyq adamdy aldaǵan áıel 5 jylǵa bas bostandyǵynan aıyryldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a>&nbsp;&nbsp;&nbsp;</p>

№2 qalalyq soty baspasóz qyzmetiniń málimetine súıensek, aıyptalýshy 2022 jyldyń jazynda Óskemen dúkenderinde qant tapshylyǵy týyndaǵanyn paıdalanyp, WhatsApp messendjeri men áleýmettik jelilerde qant satatyndyǵy jaıly habarlandyrý jarııalaǵan.

«Ol qantty naryqtaǵydan áldeqaıda tómen baǵada 100% aldyn ala tóleý shartymen usyndy. Buǵan sengen 289 adam alaıaqqa óz aqshalaryn aýdarǵan. Alaıda áıel qantty da bermeı, aqshany da qaıtarmaı, habar-osharsyz ketti», - delingen aqparatta.

Osylaısha, sottalýshy 100 mln teńgeden astam paıda kórgen. Sot sheshimimen qala turǵyny QR Qylmystyq kodeksiniń 190-baby 4-bóliginiń 2-tarmaǵymen kináli dep tanylyp, 5 jylǵa bas bostandyǵynan aıyryldy. Jábirlenýshilerdiń materıaldyq shyǵyndy óndirý týraly azamattyq talaptary qanaǵattandyryldy.

Úkim áli zańdy kúshine engen joq.