Arzandatylǵan dızel boıynsha oblys ákimdikterinde jaýapty tulǵalar belgilengen

NUR-SULTAN. QazAqparat – Fermerler dızel otyny boıynsha týyndaǵan suraqtarmen oblys ákimdikterindegi jaýapty tulǵalarǵa júgine alady. Aýyl sharýashylyǵy mınıstrligi olardyń baılanys nómirlerin jarııalady, dep habarlaıdy QazAqparat.

Oblys ákimdikterindegi fermerler úshin arzandatylǵan dızel otynyn bólýge jaýapty tulǵalardyń baılanys nómirlerin mınıstrlik saıtynan kórýge bolady.

Eske salsaq, buǵan deıin energetıka mınıstri Bolat Aqsholaqov dıqandarǵa dızel otynyn jetkizý basym negizde júzege asyrylatynyn aıtqan bolatyn.

Sondaı-aq, elimizde dızel otynyn satý boıynsha shekteýler engizildi.

Al, aýyl sharýashylyǵy mınıstri Erbol Qarashókeev d ıqandardyń dızel otynynyń bir lıtrin 202 teńgeden alyp jatqanyn málimdedi.