Arzandatylǵan dızel baǵasy naryq oıynshylarynyń «djentlmendik» kelisimimen belgilenedi - mınıstrlik

ASTANA. QazAqparat - 2018 jyly kóktemgi egis jumystaryn júrgizý úshin agrarshylarǵa arzandatyp berilgen 375 myń tonna dızeldi otynnyń 125 myń tonnasy tıelip qoıdy. Bul týraly OKQ-da ótken baspasóz máslıhatynda QR Energetıka mınıstrligi Munaı ónerkásibin damytý departamentiniń dırektory Qýanysh Qudaıbergenov málim etti, dep habarlaıdy QazAqparat tilshisi.

«Kóktemgi egis jumystaryn júrgizetin aýyl sharýashylyǵy taýaryn óndirýshilerin dızeldi otynmen qamtamasyz etý máselesi rettelip jatyr. Naqtyraq aıtqanda, 2018 jyly kóktemgi egis jumystaryn júrgizý úshin 375 myń tonna dızeldik otyn bólingen bolatyn. Qazirgi kúnge deıin 125 myń tonnasy tıelip qoıdy. Bul jalpy mólsherdiń 30 paıyzyn quraıdy. Baǵaǵa keler bolsaq, naýryz aıynda dızeldi otynnyń naryqtyń ortasha baǵasy - MÓZ-den shyqqan kezde tonnasy 170 myń teńge bolatyn. Agrarshylar úshin berilgen baǵa - tonnasyna 156 myń teńge edi. Bul shamamen dızeldi otynnyń 1 lıtri - 130 teńge degen sóz. Osylaısha, aýyl sharýashylyǵy ónimderin óndirýshiler úshin baǵa bir lıtrge - 10 teńgege arzandatylǵan», - dedi Qýanysh Qudaıbergenov.

Onyń aıtýynsha, sáýir aıynda QR men RF-da ekonomıkanyń ártúrli salalarynda - qurylys pen tranzıttik kólikterde, taý-metall keshenderinde tutyný ósiminiń artýyna baılanysty dızeldi otynnyń qymbattaýy baıqalǵan.

«Sáýir aıynda ortasha naryqtyq baǵa ishki naryqta tonnasyna 179 myń teńgeni kórsetti. Buǵan qosa agrarshylar úshin keńes berilgen dızeldiotynnyń baǵasy tonnasyna MÓZ-den shyqqan kezde 161 myń teńgeni qurady. Bul - lıtrine 134 teńge degen sóz. Jalpy, kóktemgi egis jumystaryna baılanysty munaıshylardyń agrarshylarǵa qanshalyqty jeńildik berip otyrǵanyn esepteıtin bolsaq, tonnasyna - 12 myń teńgege deıin nemese lıtrine 16 teńgege arzandatylyp berilip otyr», - deıdi ol.

Qýanysh Qudaıbergenov joǵaryda atalǵan baǵa Aýyl sharýashylyǵy mınıstrligimen birlese bekitilip, QR Energetıka mınıstrligi jáne AShM-men tıisti memorandýmǵa qol qoıǵanyn atap ótti. Bul aqparat dızeldi otyndy jetkizýge jaýapty barlyq kompanııalarǵa jetkizilgen.

«Aıta keterligi, kóktemgi egis jumystaryn júrgizetin aýyl sharýashylyǵy taýaryn óndirýshilerin dızeldi otynmen qamtamasyz etý máselesin retteý bizdiń elimizde zańnamalyq turǵyda qarastyrylmaǵan. Aýyl sharýashylyǵynyń qajettiligi úshin arzandatylǵan dızeldi otyn baǵasy  naryqtyq oıynshylardyń arasynda «djentlmendik» kelisimder negizinde júzege asyrylady», - dep túıdi ol.


Foto: novostipmr.com