Arzan nesıe sharýalardy sýbsıdııa rásimdeý aýyrtpalyǵynan aryltty – Agroforým

<p>ASTANA. KAZINFORM &ndash; Aýyl sharýashylyǵy mınıstri Aıdarbek Saparov aýyl sharýashylyǵy qyzmetkerleriniń birinshi forýmynda agroónerkásip keshenindegi nesıe saıasatynyń qaı baǵytta ózgerip jatqanyn aıtty.</p>

«Jyldar boıy salada jańa tehnologııalardy keńinen engizýge jeńildetilgen qarjylandyrý tetikteriniń azdyǵy kedergi boldy. Arzan nesıe qarajatynyń tapshylyǵy aýyl sharýashylyǵy ónimderiniń qymbattaýyna alyp keldi. Shekteýli bıýdjettik qarjylandyrý árqashan fermerlerdiń aıaǵyna tusaý bolyp keldi. Qurmetti Qasym-Jomart Kemeluly, bıyl sizdiń tapsyrmańyz boıynsha salany qarjylandyrý tásilderi tolyǵymen qaıta qaraldy. Kommertsııalyq jáne bıýdjet qarajatyn biriktirý esebinen egis jumystaryn qarjylandyrý kólemi 3 eseden astam ulǵaıtyldy», - dedi vedomstvo basshysy. 

Sondaı-aq, ol Úkimettiń qoldaýymen nesıeleý arnalaryn keńeıtýge jol ashylǵanyn aıtty.

«Kepilge qoıatyn aktıvi joq sharýalarǵa memleket esebinen qaryz somasynyń 85%-yna deıin kepildik engizildi. Bory qarajatyń bári 5%-dy taza mólsherlememen berilip jatqanyn atap ótý kerek. Osylaısha biz agrobıznes sýbsıdııalaryna ótinim berýdiń aýyrtpalyǵyn joıdyq. Óıtkeni arzandatylǵan nesıege jol ashylyp otyr. Osynyń arqasynda jeńildetilgen qaryz qarajatynyń 89%-y shaǵyn jáne orta agrobıznes baǵyttaldy», - dedi Aıdarbek Saparov.

Eske sala keteıik, Astanada aýyl sharýashylyǵy salasy qyzmetkerleriniń forýmy ótip jatyr.