Arzan kólik alǵysy kelgen Semeı turǵyny alaıaq áıelge 4,2 mln teńge bergen

SEMEI. QazAqparat – Semeı qalasynda alaıaqqa aldanǵan azamat 4,2 mln teńge shyǵynǵa batty, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylaryna 38 jastaǵy semeılik júgingen.

Óz sózinde ol beıtanys áıeldiń aýktsıon arqyly «Hyundai Tucson» markaly avtokólikti satyp alýǵa kómektesemin dep 4 200 000 teńge suraǵanyn aıtty.

Alaıda aqsha qolyna tıisimen alaıaq esh habarsyz ketken.

«Jedel-izdestirý sharalaryn júrgizgen polıtsııa qyzmetkerleri kúdiktini qolǵa túsirdi. Óskemen qalasynyń 35 jastaǵy jumyssyz turǵyny óz kinásin moıyndap otyr. Áıel sol aqshaǵa óz úıin jóndep, jańa jıhaz satyp alǵan», - dep habarlady vedomstvo ókilderi.

Qazirgi ýaqytta atalǵan fakti boıynsha QR QK-niń 190-baby 3-bóligine (Alaıaqtyq) sáıkes sotqa deıingi tergeý amaldary júrgizilýde.