Arystyń 200 balasy Aqtóbedegi lagerlerde demalady

AQTÓBE. QazAqparat - Aqtóbe oblysy 200 balany lagerge qabyldaýǵa daıyn, dep habarlaıdy QazAqparat tilshisi.

«Arys qalasyndaǵy jaǵdaıǵa baılanysty shilde aıynyń 15-inen bastap balalardy lagerge qabyldaımyz. Aqtóbe óńirinde barlyǵy 200 bala tynyǵa alady. Pedagogtar Arysqa baryp, balalardy alyp keledi, keıin jetkizip tastaıdy. Birinshi kezeńde 100, tamyz aıynda taǵy 100 bala qabyldanady», - dedi Aqtóbe oblystyq bilim basqarmasynyń basshysy Lázzat Orazbaeva. Qazirgi kezde bilim mekemeleriniń barlyǵy bir kúndik jalaqylaryn aýdaryp jatyr. Keshe 12,8 mıllıon teńge aýdaryldy, áli de qarjy bólinedi. Mektepter gıgıenalyq zattar men balalar oıynshyǵyn Arysqa attanǵan júk kóligine tıep jiberdi.